ᐃᑲᔪᐃᕕᐅᔪᓐᓇᕐᑐᑦ

ᓄᓇᕗᑦ ᓴᖅᑭᑎᑕᐅᓚᐅᖅᓯᒪᕗᖅ ᓄᓇᐅᓗᓂ ᐊᕕᒃᓯᒪᓂᐅᖃᑕᐅᓂᐊᓕᕐᓗᓂ ᐄᑉᐳᕈ 1, 1999-ᒥ ᐱᖁᔭᕐᔪᐊᑎᒍᑦ ᓄᓇᕗᒧᑦ ᐱᖁᔭᕐᔪᐊᖅ (ᑲᓇᑕᒥ). ᑖᓐᓇ ᓄᓇᕗᒧᑦ ᐱᖁᔭᕐᔪᐊᖅ (ᑲᓇᑕᒥ) ᓇᓗᓇᐃᔭᐃᓯᒪᔪᖅ ᐱᖁᔭᕆᔭᐅᔪᓂᒃ ᓄᓇᕗᒧᑦ ᐄᑉᐳᕈ 1, 1999-ᖑᑎᓪᓗᒍ. ᒪᓕᒐᓕᒫᑲᓴᖏᑦ ᓄᓇᑦᓯᐊᕐᒥᐅᑦ, ᐅᖃᓕᒫᖅᑕᐅᓂᖏᑦ ᒫᔾᔨ 31, 1999-ᖑᑎᓪᓗᒍ "ᐃᔾᔪᐊᖅᑕᐅᓚᐅᖅᐳᑦ" ᓄᓇᕗᒨᖓᓂᐊᕐᓗᑎᒃ. ᓄᓇᑦᓯᐊᒧᑦ ᒪᓕᒐᓕᐅᖅᑎᑦ ᐱᖁᔭᓕᐅᓚᐅᖅᓯᒪᖕᒪᑕ ᓄᑖᓂᒃ ᓄᓇᕘᒨᖓᓂᐊᖅᑐᓂᒃ ᐄᑉᐳᕈ 1, 1999-ᖑᓕᖅᐸᑦ ᐊᑐᖅᑕᐅᓯᒋᐊᕐᓂᐊᖅᑐᓂᒃ.

ᖃᕆᑕᐅᔭᒃᑯᑦ ᑐᕌᕈᑎᑦᑎᓐᓂ ᑕᕝᕙᓂ ᐃᑲᔪᖅᑕᐅᔪᓐᓇᖅᑐᑎᑦ ᐊᔾᔨᒌᖏᑦᑐᑎᒍᑦ ᓇᓪᓕᐊᖕᓂᒃ ᐱᖁᔭᓂᒃ ᕿᓂᕐᓃᑦ ᒪᓕᒡᓗᒍ. ᐅᐱᓐᓇᕋᓂ ᓄᓇᕗᑦ ᐊᔾᔨᐅᖏᑦᑐᑎᒍᑦ ᐱᖁᔭᓕᐅᖅᑕᐅᓯᒪᓂᖓᓄᑦ, ᐅᖃᓕᒫᒐᓂᒃ ᐱᖁᔭᓕᐊᖑᓂᑯᓂᒃ ᐱᖁᔭᕋᓛᓂᒃ ᐊᓯᖏᓐᓂᓗ ᐱᖁᔭᓕᐅᕈᑕᐅᕙᖕᓂᑯᓂᒃ ᓄᓇᑦᓯᐊᒥ ᖃᐅᔨᑦᑎᐊᕈᒪᒍᕕᐅᒃ ᓄᓇᕗᒥ ᒫᓐᓇ ᐱᖁᔭᕆᔭᐅᓕᖅᑐᓂᒃ.

ᑖᒃᑯᐊ ᑲᑎᖅᓱᖅᑕᐅᓯᒪᔪᑦ ᐱᖃᓯᐅᔾᔨᓯᒪᔪᐃᓐᓇᐃᑦ ᐊᓯᔾᔨᖅᑕᐅᓯᒪᔪᓂᒃ ᐱᖁᔭᓂᒃ ᐱᖁᔭᕋᓛᓂᒡᓘᓐᓃᑦ ᐱᖁᔭᓐᖑᖅᑎᑕᐅᓂᑯᓂᒃ ᐃᑉᐳᕈ 1, 1999-ᖑᖅᑎᓪᓗᒍ.

ᑖᒃᑯᐊ ᑲᑎᖅᓱᖅᑕᐅᓯᒪᔪᑦ ᐱᖁᔭᓂᒃ ᓇᓗᓇᐃᕈᑕᐅᖏᑦᑑᒐᓗᐊᑦ, ᑭᓯᐊᓂᓕ ᐱᖁᔭᓕᕆᕙᒃᑐᓄᑦ ᐊᑐᐃᓐᓇᕈᖅᑎᖅᑕᐅᓯᒪᔪᑦ. ᐱᖁᔭᓕᒫᑦ ᑲᑎᖅᓱᖅᑕᐅᓯᒪᕙᖏᑦᑑᒐᓗᐊᑦ -- ᓇᓗᓇᐃᔭᐅᑎᖏᓐᓂ ᐱᖁᔭᐃᑦ ᓄᓇᕘᒥᐅᓄᑦ ᐊᒻᒪᓗ ᓇᓗᓇᐃᔭᐅᑎᑦ ᐱᖁᔭᕋᓛᓄᑦ ᓄᓇᕘᒨᖓᔪᑦ ᕿᒥᕐᕈᓇᒃᑕᐅᔭᕆᐊᖃᖅᑐᑦ ᓇᓗᓇᐃᕐᖓᖅᓯᒪᖁᓪᓗᒋᑦ ᓇᓕᐊᖑᔪᑦ ᓈᒻᒪᖕᓂᖅᓴᐅᒋᐊᒃᓴᖏᓐᓂᒃ. ᑖᒃᑯᓇᓂ ᑲᑎᖅᓱᖅᑕᐅᓯᒪᔪᓂ ᐱᖃᓯᐅᔾᔨᓯᒪᔪᑦ ᓄᓇᕘᑉ ᐱᖁᔭᕆᓚᐅᖅᑕᖏᓐᓂᒃ ᐄᑉᐳᕈ 1, 1999-ᖑᖅᑎᓪᓗᒍ ᖃᓄᐃᑦᑑᓚᐅᖅᓯᒪᓂᖏᓐᓂᒃ.

ᐃᓚᖏᑦ ᐃᓚᕈᑕᖏᑦ ᐲᖅᑕᐅᓯᒪᑐᐃᓐᓇᕆᐊᓖᑦ ᑲᑎᖅᓱᖅᑕᐅᓯᒪᔪᓂ, ᓲᕐᓗ ᐃᓚᕈᑎᖏᑦ ᐊᓯᔾᔨᕈᑕᐅᓂᑯᐃᑦ ᐲᖅᑕᐅᖔᕐᓂᑯᐃᓪᓘᓐᓃᑦ ᑭᖑᕝᕕᖅᑕᐅᓂᑯᐃᓪᓘᓐᓃᑦ ᐃᓚᕈᑎᒃᑲᓐᓂᕐᓄᑦ ᐱᖁᔭᓐᖑᕈᑕᐅᓂᐊᖅᑐᓄᑦ.

ᑖᒃᑯᐊ ᑲᑎᖅᓱᖅᓯᒪᔪᑦ ᐊᑐᕈᒪᒍᕕᒋᑦ, ᑎᑎᕋᖅᓯᒪᔪᖏᑦ ᓄᑖᓐᖑᕆᐊᖅᑳᓚᐅᕐᓗᒋᑦ ᐃᒪᓐᓇ ᓄᑖᓐᖑᕆᐊᕆᔪᓐᓇᖅᑐᑎᑦ:

ᐱᖁᔭᓄᑦ:

  1. ᓄᑖᖑᓛᖑᔪᑦ ᓇᓗᓇᐃᕈᑏᑦ ᐱᖁᔭᓄᑦ ᓄᓇᕘᒧᑦ ᖃᐅᔨᒋᐊᕐᓗᒋᑦ ᐱᖁᔭᖅ ᕿᒥᕐᕈᔭᐃᑦ ᑭᖑᕝᕕᖅᑕᐅᓯᒪᖕᒪᖔᑦ, ᐊᓯᔾᔨᖅᑕᐅᓯᒪᓐᓂᕐᒪᖔᓪᓘᓐᓃᑦ ᐄᑉᐳᕈ 1, 1999 ᒥᓂᑦ;
  2. ᖃᐅᔨᒋᐊᕐᓗᑎᑦ ᐱᖁᔭᓕᐅᖅᓯᒪᔪᖃᕐᓂᕐᒪᖔᑦ ᑭᖑᓂᐊᒍᑦ ᐱᖁᔭᓄᑦ ᓇᓗᓇᐃᕈᑏᑦ ᐋᖅᑭᒃᑕᐅᓚᐅᖅᑎᓪᓗᒋᑦ ᖃᐅᔨᒋᐊᕈᓐᓇᖅᐳᑎᑦ ᓄᑖᑦ ᐱᖁᔭᓐᖑᖅᑎᑕᐅᓂᑯᐃᑦ ᐊᕐᕌᒍᖓᑕ "ᐱᖁᔭᖃᕐᕕᒃ"-ᓚᓯᒪᔫᑉ ᐊᑖᓂ ᖃᕆᑕᐅᔭᒃᑯᑦ.
  3. ᖃᐅᔨᒋᐊᕐᕕᒋᓗᒋᑦ ᓄᓇᕗᒧᑦ ᒪᓕᒐᓕᐅᕐᕕᒃᑯᑦ ᐱᖁᔭᒃᓴᓂᒃ ᐊᖏᖅᓯᓯᒪᖕᒪᖔᖏᑕ.

ᐱᖁᔭᕋᓛᓂᒃ ᐊᓯᖏᓐᓂᓗ ᐱᖁᔭᓐᖑᖅᑎᑦᑎᔾᔪᑕᐅᕙᒃᑐᑦ ᐊᑐᕐᓗᒋᑦ:

  1. ᖃᐅᔨᒋᐊᕐᓗᒋᑦ ᓄᑖᖑᓛᖑᔪᑦ ᓇᓗᓇᐃᕈᑎᐅᔪᑦ ᓄᓇᕗᒧᑦ ᐱᖁᔭᕋᓛᓄᑦ ᑖᒃᑯᐊ ᐱᖁᔭᕌᓛᖑᔪᑦ ᐱᖁᔭᓐᖑᖅᑎᑦᑎᔾᔪᑕᐅᓂᑯᐃᓪᓘᓐᓃᑦ ᑭᖑᕝᕕᖅᑕᐅᓯᒪᖕᒪᖔᑕ ᐊᑐᕈᓐᓃᖅᑎᑕᐅᓯᒪᖕᒪᖔᑕᓘᓐᓃᑦ ᐃᑉᐳᕈ 1, 1999 ᒥᓂᑦ;
  2. ᖃᐅᔨᒋᐊᕐᓗᑎᑦ ᐱᖁᔭᓕᐅᒃᑲᓐᓂᐅᕋᐃᓯᒪᖕᒪᖔᑕ ᑭᖑᓂᐊᒍᑦ ᓇᓗᓇᐃᕈᑏᑦ ᐋᖅᑭᒃᓱᖅᑕᐅᓚᐅᖅᑎᓪᓗᒋᑦ ᕿᓂᕈᕕᑦ ᓄᑖᓂᒃ ᐱᖁᔭᕋᓛᓂᒃ ᐱᖁᔭᓐᖑᖅᑎᑦᑎᔾᔪᑕᐅᓂᑯᓂᒡᓘᓐᓃᑦ ᐃᓚᖓ 2-ᒥ ᑖᒃᑯᓇᓂ ᓄᓇᕗᑦ ᒐᔭᑦᒥ ᑐᓴᖅᑎᑦᑎᔾᔪᑎᑦ ᐱᖁᔭᑦ ᒥᒃᓵᓄᑦ ᓄᓇᕗᒥ;
  3. ᖃᐅᔨᒋᐊᕐᓗᒋᑦ ᐱᖁᔭᕋᓛᖑᖅᑎᑕᐅᓯᒪᔪᓄᑦ ᑎᑎᕋᖅᓯᕕᒃ ᐱᖁᔭᓐᖑᖅᐸᓪᓕᐊᔪᓄᑦ ᑎᑎᕋᖅᑕᐅᕙᓪᓕᐊᓯᒪᔪᓂᒃ ᓄᓇᕗᑦ ᒐᔭᑦ ᑭᖑᓪᓕᖅᐹᒥᒃ ᓴᖅᑭᑎᑕᐅᓚᐅᖅᑎᓪᓗᒋᑦ. 

ᐊᑐᓂᑦ ᑖᒃᑯᐊ ᑲᑎᖅᓱᖅᓯᒪᔪᑦ ᐅᓪᓗᖃᐅᖅᑐᑦ ᓇᓗᓇᐃᖅᓯᒪᓪᓗᑎᒡᓗ ᓇᓪᓕᐊᖕᓄᑦ ᐱᖁᔭᐅᔪᓄᑦ ᐊᒃᑐᐊᓂᖃᕐᓂᖏᓐᓂᒃ. ᑖᒃᑯᐊᓗ ᑲᑎᖅᓱᖅᓯᒪᔪᑦ ᐱᖃᓯᐅᔾᔨᓯᒪᔪᐃᓐᓇᐅᓂᐊᖅᖢᑎᒃ ᐊᓯᔾᔨᖅᑕᐅᓂᑯᓂᒃ ᐱᖁᔭᓂᒃ ᐱᖁᔭᕋᓛᓂᒡᓘᓐᓃᑦ "ᐅᓪᓗᒥᒨᖓᔪᓂᒃ" ᐊᒻᒪ ᐱᖃᓯᐅᔾᔨᓯᒪᒋᓪᓗᑎᒃ ᐊᓯᔾᔨᖅᑕᐅᔪᒫᖅᓯᒪᔪᓂᒃ ᓱᓕ ᐱᖁᔭᕈᖅᑎᑕᐅᓯᒪᖏᑦᑐᓂᒃ.

ᑖᒃᑯᐊ ᑲᑎᖅᓱᖅᑕᐅᓯᒪᔪᑦ ᐱᖁᔭᓕᒫᓄᑦ ᐆᒃᑑᑕᐅᖏᑦᑐᑦ, ᑭᓯᐊᓂ ᐊᑲᕐᕆᓂᖅᓴᐅᖁᓪᓗᒋᑦ ᕿᓂᖃᑦᑕᖅᑐᑦ ᐱᖁᔭᓄᑦ ᐃᑲᔪᖅᐹᓪᓕᐅᑕᐅᖁᓪᓗᒋᑦ. ᐱᖁᔭᓕᒫᑦ ᐊᑕᖏᖅᖢᑎᒃ ᑲᑎᖅᓱᖅᓯᒪᕙᖏᑦᑐᑦ - - ᓇᓗᓇᐃᕈᑏᑦ ᓄᓇᕗᒧᑦ ᐱᖁᔭᓄᑦ ᐊᒻᒪᓗ ᓇᓗᓇᐃᕈᑏᑦ ᐱᖁᔭᕋᓛᓄᑦ ᓄᓇᕗᒥ ᖃᐅᔨᒋᐊᕐᕕᐅᖅᑳᕆᐊᖃᖅᑐᑦ ᓇᓗᓇᐃᓐᖓᕈᒪᒍᕕᒋᑦ ᓇᓪᓕᐊᖕᓄᑦ ᐱᖁᔭᒧᑦ ᐊᒃᑐᐊᓂᖃᕐᒪᖔᑦ.

ᑖᒃᑯᐊ ᑲᑎᖅᓱᖅᑕᐅᓯᒪᔪᑦ ᖃᐅᔨᒋᐊᕐᕕᒋᔪᒪᒍᕕᒋᑦ, ᖃᐅᔨᒋᐊᕐᕕᒋᔭᑎᑦ ᓄᑖᓐᖑᕆᐊᖅᓯᒪᒐᓗᐊᕐᒪᖔᖏᑕ ᖃᐅᔨᒋᐊᖅᑳᕆᐊᖃᖅᐳᑎᑦ ᐱᖁᔭᐃᑦ ᓇᓪᓕᐊᖑᔪᑦ ᐊᓯᔾᔨᖅᑕᐅᓯᒪᓂᖃᕆᐊᒃᓴᖏᓐᓂᒃ ᓄᑖᓐᖑᕆᐊᖅᑎᑦᑎᓂᕐᒧᑦ ᖁᓛᓂ ᐊᔪᕆᖅᓲᔾᔨᓯᒪᔪᑦ ᒪᓕᒡᓗᒋᑦ.

ᑕᐃᒃᑯᐊ ᐱᖁᔭᐃᑦ ᐊᑖᓃᑦᑐᑦ "ᐱᖁᔭᖃᕐᕕᒃ"-ᓚᓯᒪᔪᒥ ᑐᑭᖓ "ᐊᒃᑐᐊᓂᖓ ᐆᒧᖓ ᐱᖁᔭᒧᑦ" ᐱᖃᓯᐅᔾᔭᐅᓯᒪᖕᒥᖕᒪᑕ ᐱᖁᔭᓐᖑᖅᑎᑕᐅᓯᒪᔪᓕᒫᓂᒃ ᓄᓇᕗᒥ ᒪᓕᒐᓕᐅᖅᑎᓄᑦ ᐄᑉᐳᕈ 1, 1999-ᒥᓂᑦ ᑲᔪᓯᑎᑕᐅᓯᒪᔪᓂᒃ. 

ᑖᒃᑯᐊ ᓇᓗᓇᐃᕈᑏᑦ ᐊᑐᓃᖓᓕᖅᑐᖅᓯᒪᔪᑦ ᖃᓄᐃᓕᔭᐅᓂᑯᕕᓂᖏᓐᓂᒃ ᐱᖁᔭᐃᑦ ᐅᓪᓗᖏᑦ ᓇᓗᓇᐃᖅᑎᖅᓯᒪᔪᑦ. ᓇᓗᓇᐃᖃᑕᐅᓯᒪᒋᕗᑦ ᓇᓗᓇᐃᕈᑎᓂᑦ ᖃᓄᖅ ᐱᔭᐅᓯᒪᓂᖏᓐᓂᒃ ᐊᑐᓂᑦ ᐱᖁᔭᐃᑦ:

  • ᓇᓗᓇᐃᕈᑎ ᐃ: ᐱᖁᔭᐃᑦ ᐱᖁᔭᓐᖑᖅᑎᑕᐅᓂᑯᐃᑦ ᐄᑉᐳᕈ 1, 1999-ᒥᑦ ᑭᖑᓂᐊᒍᓪᓘᓐᓃᑦ ᐊᒻᒪ ᐱᖁᔭᑦ ᐱᖁᔭᓐᖑᖅᑎᑕᐅᕕᒃᓴᖏᑦ ᐅᓪᓗᖏᑦ ᐊᑐᓂᑦ ᐱᖁᔭᓂ ᓇᓗᓇᐃᖅᓯᒪᕗᑦ
  • ᓇᓗᓇᐃᕈᑎ ᐱ: ᐱᖁᔭᐃᑦ ᑭᖑᕝᕕᖅᑕᐅᓯᒪᔪᑦ ᐊᓯᔾᔨᖅᑕᐅᔪᓪᓘᓐᓃᑦ ᒫᔾᔨ 31, 1999 ᑭᖑᓂᐊᒍᑦ
  • ᓇᓗᓇᐃᕈᑎ ᑎ: ᐱᖁᔭᑦ ᐱᖁᔭᓐᖑᖅᑎᑕᐅᕕᒃᓴᖏᑦ ᐅᓪᓗᐃᑦ ᓇᓗᓇᐃᕈᑎᓂ ᑎᑎᕋᖅᓯᒪᕗᑦ, ᐱᖃᓯᐅᑎᓪᓗᒋᑦ ᐱᖁᔭᐃᑦ ᐊᓯᔾᔨᖅᑕᐅᓂᑰᔪᑦ
  • ᓇᓗᓇᐃᕈᑎ ᑭ: ᐱᖁᔭᓐᖑᖅᑎᑕᐅᓂᑯᐃᑦ ᓄᓇᕘᑖᖅᑎᓪᓗᒋᑦ ᐊᒻᒪᓗ ᐱᖁᔭᐃᑦ ᑭᖑᕝᕕᖅᑕᐅᓂᑯᐃᑦ ᐅᕝᕙᓘᓐᓃᑦ ᓄᓇᕗᒨᖓᓂᕐᒧᑦ ᐃᔾᔪᐊᖅᑕᐅᓯᒪᖏᑦᑐᑦ

ᑖᒃᑯᐊ ᐱᖁᔭᕋᓛᑦ ᐱᖁᔭᓐᖑᖅᑎᑦᑎᔾᔪᑏᓪᓗ ᓇᓂᔭᐅᔪᓐᓇᖅᑐᑦ "ᓄᓇᕗᑦ ᒐᔭᑦ"-ᓚᓯᒪᔫᑉ ᐊᑖᓂ. ᐱᖃᓯᐅᑎᓯᒪᕗᑦ ᐱᖁᔭᕋᓛᓐᖑᖅᑎᑕᐅᓂᑯᐃᑦ ᐱᖁᔭᓐᖑᖅᑎᑦᑎᔾᔪᑕᐅᓂᑯᐃᓪᓗ ᓄᓇᕘᑖᓚᐅᖅᑎᓪᓗᑕ ᐄᑉᐳᕈ 1, 1999 ᑭᖑᓂᖔᖓᒍᑦ.

ᑖᒃᑯᐊ ᓇᓗᓇᐃᕈᑏᑦ ᓇᓗᓇᐃᖅᓯᔾᔪᑕᐅᖕᒪᑕ ᖃᓄᐃᓕᔭᐅᒪᓕᕐᓂᖏᓐᓂᒃ ᐱᖁᔭᕋᓛᑦ ᐱᖁᔭᓐᖑᖅᑎᑦᑎᔾᔪᑏᓪᓘᓐᓃᑦ ᖃᓄᐃᓕᔭᐅᓂᕕᓂᖏᓐᓂ ᐅᓪᓗᖏᑦ ᑎᑎᕋᖅᓯᒪᖃᑕᐅᒋᕗᑦ ᓲᕐᓗ ᐃᒪᓐᓇ: 

  • ᓇᓗᓇᐃᕈᑎ ᐃ: ᐱᖁᔭᕋᓛᑦ ᐊᑐᕈᓐᓃᖅᑎᑕᐅᓂᑯᐃᑦ ᒫᔾᔨ 31, 1999 ᑭᖑᓂᐊᒍᑦ
  • ᓇᓗᓇᐃᕈᑎ ᐱ: ᐱᖁᔭᕋᓛᑦ ᐱᖁᔭᓐᖑᕈᑕᐅᓂᑯᐃᑦ ᒫᔾᔨ 31, 1999 ᑭᖑᓂᖔᖓᒍᑦ
  • ᓇᓗᓇᐃᕈᑎ ᑎ: ᐱᖁᔭᕋᓛᑦ ᐊᑐᓕᖅᑎᑕᐅᕝᕕᖏᑦ ᐅᓪᓗᐃᑦ ᑎᑎᕋᖅᓯᒪᔪᑦ ᓇᓗᓇᐃᕈᑎᓂᑦ, ᐱᖃᓯᐅᑎᓪᓗᒋᑦ ᐱᖁᔭᓐᖑᖅᑎᑦᑎᔾᔪᑎᑦ ᐊᓯᔾᔨᖅᑕᐅᓂᑰᔪᑦ
  • ᓇᓗᓇᐃᕈᑎ ᑭ: ᐱᖁᔭᕋᓛᑦ ᐲᖅᑕᐅᓂᑯᐃᑦ ᓄᓇᕗᒥ ᐱᖁᔭᖏᓐᓂᒃ ᓇᓗᓇᐃᕈᑎᓂᑦ (ᓇᓂᓯᕕᐅᔪᓐᓇᖅᑐᑑᕗᖅ 2003-ᒥ ᐊᕐᕋᒍᒨᖓᔪᑐᐊᓂᑦ

ᑖᒃᑯᐊ ᐱᖁᔭᓂᒃ ᓇᐃᓈᖅᓯᔾᔪᑕᐅᔪᑦ ᓇᓗᓇᐃᖅᓯᔾᔪᑕᐅᓪᓚᕆᓐᖏᓚᑦ ᐱᖁᔭᓕᒫᓂᒃ, ᑭᓯᐊᓂᓕ ᐋᖅᑭᒃᓱᖅᑕᐅᓯᒪᕗᑦ ᐃᑲᔪᖅᐹᓪᓕᐅᑕᐅᖁᓪᓗᒋᑦ ᐊᑲᕐᕆᐅᑕᐅᖁᓪᓗᒋᓪᓗ ᕿᓂᖅᑐᓄᑦ ᐱᖁᔭᓄᑦ ᐊᔾᔨᒌᖏᑦᑐᓄᑦ ᓄᓇᕗᒥ ᓇᓗᓇᐃᖅᓯᒋᐊᕈᑎᑐᐃᓐᓇᐅᔪᑦ. ᑖᒃᑯᐊ "ᓇᐃᓈᖅᓯᒪᔪᓂᑦ" ᓇᓂᔭᐅᒐᔭᖅᐳᑦ.